<?xml version="1.0" encoding="UTF-8"?><song><author>H.L. Hassler</author>
<lyrics>[V1]
 Henoy, ry Jeso Tompo !
 Ny fitarainanay,
 Fa amin'alahelo
 No ipetrahanay ;
 Ny fonay maniry
 Hitovy aminao,
 Kanefa be ny ratsy
 Masakana anay ?

[V2]
 Nateraky ny nofo,
 Ka nofo izahay ;
 Nanompo tompo ratsy,
 Ka very hatrizay !
 Ny razanay nanota
 Ka nodimbiasànay
 Ry Tomponay Tsitoha,
 Havaozy izahay !

[V3]
 Ny asam-pamonjena
 Natolotra Anao;
 Tsy hisy tsy ho vita
 Izay natombokao ;
 Raha resy avokoa
 Ny fahavalonao
 Hiposaka tokoa
 Ny tena taom-baovao !

[V4]
 Ny tavanao malala,
 Ry Jeso Tomponay,
 Ho tena masoandro,
 Izay hifalianay.
 Ry nosatrohan-tsilo,
 Faingàna Hianao,
 Hanangana ny maty,
 Hitondra aim-baovao !</lyrics>
<title>Henoy ry Jeso Tompo FFPM745</title>
<hymn_number>745</hymn_number>
</song>